Jóhannes Sveinsson Kjarval (1885-1972) skipar sérstakan sess í íslenskri menningar- og listasögu sem einn ástsælasti listamaður þjóðarinnar fyrr og síðar. Hann var goðsögn í lifanda lífi og í augum margra persónugervingur hins rómantíska listamannabóhems. Rætur hans lágu í hinu íslenska bændasamfélagi, en líf hans og listsköpun tengist órjúfandi böndum menningarlegri viðreisn þjóðarinnar á fyrri hluta 20. aldar. Í gegnum verk hans hafa Íslendingar lært að skoða á nýjan hátt náttúru landsins, fólkið og þann ævintýraheim, sem hér er að finna í landslaginu og huga þjóðarinnar. Verkum Kjarvals hefur oft verið skipt í þrjá meginflokka: Landslagsmyndir, teikningar og táknræn málverk.
Arngrímur Ingimundarson og Bergþóra Jóelsdóttir
Grunnurinn að Listasafni Fjallabyggðar var lagður 1980 þegar hjónin Arngrímur Ingimundarson og Bergþóra
Jóelsdóttir gáfu Siglufjarðarkaupstað 124 listaverk. Gjöfin var helguð minningu foreldra þeirra hjóna.
